Monday, April 27, 2020

මටත් ඉන්නවා පොඩි දුවෙක්...


අම්මා කෙනෙකුට තමන්ගෙ දියණිය ගැන මේ විදියට ලියන්න පුළුවන් වෙන එක කොයි තරම් සතුටක්ද? ඒ අම්මගේ තාත්තගේ ආදරයෙදිත්, විවාහ ජීවිතයෙදිත් ළගින් උන්නු කෙනෙක් විදියටත්, ගුණගරුක යහපත් දියණියක් විදියට ඇ උපතේ ඉඳන් හැදුණු වැඩුණු හැටි බලන් උන්නු ලොකු මම්මා විදියටත් අද මම මේ සටහන ඔබත් සමඟ බෙදා ගන්නෙ ගොඩක් සතුටින්...

දූගෙ අම්මා දූ ගැන ලියූ අපූරු සටහන.... 

අසනීප වුණු අම්මව හරි ආදරෙන් බලාගන්න,
උදෙන්ම නැගිටලා රස තේ කෝප්පයක් හදල ලගට ගෙනත් දෙන,
හාල් ටික හෝදලා බතක් උයල දෙන,
ගේ දොර හරි පිළිවෙලට අතුපතු ගාල දෙන,
තමන්ගෙ රෙදි ටික තනියම හෝද ගන්න.......

හරි ආදරෙන් අම්මගෙ වේදනාව ගැන කතා කරන,
බෙහෙත් හේත් ටික වෙලාවට ලගට ගෙනත් දෙන.....

හරි හරියට පොත් කියවන...පොත් රාක්කෙ අතරමං වෙන,
පොත් ගන්නම හරි හරියට සල්ලි ඉතුරු කරන,
වේදිකා නාට්‍යක් , හොද චිත්‍රපටයක් අත හරින්න කැමති නොවෙන,
මේ දවස්වල මහ රෑ වෙනකල් තාත්තා එක්ක අපූරු චිත්‍රපටි බලන,
 
ඒවා ගැන කතා කරන.....

පොඩි එළවලු කොටුවක තාත්ත එක්ක පැළ හිටවන ,
Youtube එකේ හරි අපූරු සිංදු හොයන , අහන ,
තනියම උනත් සෙල්ලම් ගෙදරක සෙල්ලම් බතක් උයන,
පොතේ පතේ වැඩත් අමතක නොකරන....

තමන් ළග ඇති දේ අනිත් අයට දෙන්න හොද හිතක් තියෙන ,
රසම රසට අච්චාරු පිගානක්ම හදන....
හැමදාම බිම ඉදගෙන අම්ම තාත්තා එක්ක ජේසුට ඔරසන් කියන ,
ජේසුගෙ ආදරේ ගැන පුදුම දේවල් කතා කරන,
ඔක්කොම එක්ක හරිම හොද හදවතක් තියෙන ,
ජේසු මට දුන්නු වටිනාම තිළිණයක් වෙන,
හරි අපූරු දුවෙක් මටත් ඉන්නවා ......


දූ පුංචි කාෙල දූෙග අම්මයි, මමයි ඒක්ක. ඒදා මෙග් උපන්දිනය... 2010 වසෙර් ෙස්යාරුවක් 

5 comments:

  1. මම මගේ දුවට කවියක් ලිව්වා. බලන්න. එය ඔබේ දුවටත් මා ආදරයෙන්පුද කරණවා!

    " සිය පතක් ලෙසින් නුඹ
    දෝතින්ම නෙලාගෙන;
    බුදු පුදට රැගෙන යන
    ලෙසින් රැක බලාගෙන . . . !

    නිදි නැතිව නිදි කිරන
    ගෙවී ගිය දින ගනන . . . . . !
    උඹෙ පතුල් සිප මදිව
    දිවෙන් එහි රස බැලුව . . . .!

    හිතේ ගිනි මත ඉදුන
    හබුං කට බත් දෙමිට ;
    කවන්නට කී නුඹට
    මහ පුදුම කථන්දර . . . . . !

    රෑ මැදුයමේ නැගිට
    කරද්දී රැහැයි හඬ ;
    නිදන තුරු දෙපා මත ;
    ගැයූ ගී කවි මිහිර . . . . . !

    පාසලේ පළමු දින
    දමා ආ විට තනිව ;
    තෙත උනේ මගෙ දෙනෙත
    පළමුවයි උඹෙ නෙතට . . . !

    බනිමි හැරෙනා අතට
    ඇසෙන සේ මුළු ලොවට
    පෙනෙනු ඇත මා නුඹට
    කුමන මේ වදයක්ද. . ?

    විඳින්නේ හැම ගැහැට
    පුදන්නයි උඹ ලොවට ;
    නොවේ කර අග රැජින
    වෙයන් දුවකට මවක . . . . ! "

    ReplyDelete
    Replies
    1. දියණියක ෙවනුෙවන් ලියන්නට හැකි සුන්දරම කවියක්. ලස්සනයි.

      Delete
  2. ආදරණිය යි එය අක්කා. පුංචි දෝණි <3

    ReplyDelete

ඔබේ එක් සිතුවිල්ලක්... තරු අහසට... සඳ කිරණක්...