නිම් නොවන අහස්කුස
හුදකලාවම සරන
අත්හැරුණු පියාපතකට වුණත්
නැතිද හීනයක්....
තමන්ගෙම හීනයක්...
ඉරට හොරෙන්... හඳ මලට යටින්
සැඩ පවන මැදින්.. කළුවරට බියෙන්..
හසරක් නොදැන සසරක සරන
අත්හැරුණු පියාපතකට වුණත්....
අනවැසිද නැවතුම්පළක්
ස්නේහයේ උණුහුම් බිමක්..
කවුරුත්ම හිමිකම් නොකියන
කවුරුත්ම යන්නැයි නොකියන...
අකල් අකුණු සරටත්
තිගැස්සෙන...
සිහින් සිරි පොදයටත්
හිරි වැටෙන...
ආත්මය මිටින් ගෙන
හුදකලාවම සරන
අත්හැරුණු පියාපතකට වුණත්...
තමන්ගෙම හීනයක්..
තමන්ගෙම ප්‍රේමයක්..
නොවන්නට කරුණු කිම...?
තමන්ගෙම හීනයක් නැති තමන්ගෙම ප්‍රේමයක් හිමී කරගන්නට අකමැති කවරෙක්ද තරු අක්කේ.
ReplyDeleteහීනයක් ප්‍රේමයක් ඈතකදි දැකලා කියන සිංදුව මතක් වුනා.
ReplyDeleteමට මගේ නොවන ආදරයක් තිබුණා කියලා අමරසිරි පීරිස් ගයන්නෙ............
ReplyDeleteනිම් නැති අහස්කුස අරමුණක් නැතිව
ReplyDeleteතනිව සරන කුරුල්ලෝ තව ඇති
අතහැරුණු පියාපත් පවා සොයමින්
වෙහෙසෙන...
හමුවේද උණුසුමක් එපියාපත් යට
ඉතිරිකර තබා ගිය සෙනෙහස්
පොදක්....?
හමුවේවි ඔවුනට අහස්කුස
ReplyDeleteසුළඟේ පා කල කවියක්...
ඔවුන්ගේ හීනයම අකුරු කල
උණුසුම් වේවි හුදෙකලා ආත්මය
තෙරක් නොපෙනෙන අහස්කුස වුව
විසල් නොවනා බව
ලෙංගතු කවියක අරුත තරම්...
තමන්ට තමන්වත් නැති කල තමන්ගේ ප්‍රේමයක් කොයිබද !!
ReplyDelete