පිටු

Tuesday, March 1, 2016

නිසල විලකි ඔබ, හිඳිමි නිවිල්ලේ...



සරා සසර ගව් සිය දුර සපැමිණ
නුරා සුසර මල් හී සර විදිමින
දරා සුනෙර සදිසිව නෙක අණවින
අරා ගැඹර හද ඔබම ය සසොබන...

සසල හදකි මේ දැවුණ නිදැල්ලේ
උදුල සඳකි මළ දවස මුළුල්ලේ
පතළ කුළුණු ගුණ පිරුණු සෙවිල්ලේ
නිසල විලකි ඔබ, හිඳිමි නිවිල්ලේ...

දුලා පුළුලු හද මැදුර කොයින්දා
බලා හිඳිමි මඟ එනු කොයිබින්දා
හෙලා ඇසග වැහි දුකඳුර සින්දා
පළා යම් කෙලෙස, නොහිම් පෙමින්දා...

 ...................

 ( තරුරසීට සුබ උපන්දිනයක්... මම තරුරසී වුණේ නම් බොහෝ කලින්.. මගේ තනියට තරුරසී බ්ලොග් අඩවිය ඉපදිලා අදට අවුරුදු හතරයි... )

Posted by at
Labels:

33 comments:

  1. ඉවාන් පවුලූශාMarch 1, 2016 at 9:25 AM

    සසල හදකි මේ දැවුණ නිදැල්ලේ
    උදුල සඳකි මළ දවස මුළුල්ලේ
    පතළ කුළුණු ගුණ පිරුණු සෙවිල්ලේ
    නිසල විලකි ඔබ, හිඳිමි නිවිල්ලේ.


    මේ කවියට නම් හොඳටම හිත ගියා

    ReplyDelete
    Replies
    1. Tharurasi FernandoMarch 1, 2016 at 10:46 AM

      නිකමට ලියවුණ එකක්.. කාලෙකට කළින්..

      Delete
    2. ඉවාන් පවුලූශාMarch 1, 2016 at 3:11 PM

      සුබ පතපු කමෙන්ට් එක වැටිලා නෑ. තරු රසීට සුබ උපන්දිනයක්

      Delete
  2. UnknownMarch 1, 2016 at 9:56 AM

    තරු රසී බ්ලොගයට සුභ උපන්දිනයක්.....තරූ ඔබටත් සුභ පැතුම්....

    ReplyDelete
  3. අන්ධකාර තාරකාවMarch 1, 2016 at 10:08 AM

    HAPPY BIRTHDAY තරු රසී...........!!!! <3

    ReplyDelete
  4. අහසෙන් එන්න(කසුන්)March 1, 2016 at 10:09 AM

    සුබ උපන් දිනයක් තරු රසී! තවත් වසර ගනනක් බ්ලොග් කරනයේ යෙදෙන්න හැකි වේවා!

    ReplyDelete
  5. ඉයන්March 1, 2016 at 10:18 AM

    තරුරසී අඩවියට චිරාත් කාලයක් වැජඹීමට ආසිරි

    ReplyDelete
    Replies
    1. Tharurasi FernandoMarch 1, 2016 at 10:47 AM

      එසේම වේවා.. ස්තුතියි.

      Delete
  6. Pra JayMarch 1, 2016 at 10:22 AM

    HBD !!

    ReplyDelete
    Replies
    1. Tharurasi FernandoMarch 1, 2016 at 10:42 AM

      දකින්නත් නැහැ දැන්...

      Delete
  7. Podi KumarihamiMarch 1, 2016 at 10:30 AM

    සුබ උපන්දිනයක් තරුරසී...අද පොඩ්ඩිගේ ඇත්ත උපන් දිනේ. හරියට දැනුනේ මට සුබ පතනවා වගේ.

    බ්ලොග් එක පටන් ගෙන තියෙන්නේ සුබ දවසක...ලු...:D

    ReplyDelete
    Replies
    1. රසිකොලොජිස්ට්March 1, 2016 at 10:38 AM

      ඔව් ඇත්තටම මේ පළමුවෙනි උපන් දිනේ නේ නේද?

      Delete
    2. Tharurasi FernandoMarch 1, 2016 at 10:42 AM

      සුබ උපන්දිනයක් පොඩ්ඩි... ඔයාගෙ උපන්දිනය නම් ඔන්න අමතක වෙන එකක් නැහැ. අපි අඳුනගත්තෙත් තරුරසී නිසානෙ.. කැඩපත නිසා ඒ ඇඳුනුම්කම වැඩිදියුණු වුණා...

      Delete
    3. තිසරMarch 1, 2016 at 12:11 PM

      සෑහෙන කාලෙකින් අපේ පලාතෙ කැඩපත දැක්කේ නෑ..

      Delete
  8. රසිකොලොජිස්ට්March 1, 2016 at 10:37 AM

    සුබ පැතුම්...!!!

    "රෙසිකා" නැතුව ඔබේ නම "රසිකා" වුනා නම් තමයි මං වැඩියෙන් කැමති!

    ;-)

    ReplyDelete
    Replies
    1. Tharurasi FernandoMarch 1, 2016 at 10:41 AM

      එහෙම වුණා නම් මාත් කැමතියි.. ඒත් දැන් ඉතින් මක්කා කරන්නද?

      Delete
    2. රසිකොලොජිස්ට්March 1, 2016 at 10:47 AM

      එහෙම නම් තමයි "තරුරසී" කියන නම ටක්කෙටම හරියන්නේ, නැතිනම් "තරුරෙසී" නේද?

      Delete
    3. Tharurasi FernandoMarch 1, 2016 at 10:48 AM

      වස කැතයි.. ඒකනෙ මං කොම්බුව අහක් කළේ.. ඔයාටත් ඕන නැති ඒවමයි මතක් වෙන්නේ...

      Delete
  9. වැසි දැරිය - The Rain Girl March 1, 2016 at 11:39 AM

    සුබ උපන්දිනයක් එහෙනම්..!!

    කවි පෙළ හරි මිහිරියි.. මයෙ හිතේ තරු අක්කට වඩාත් ගැළපෙන්නෙ සඳැස් ආර ද කොහෙද..))

    ReplyDelete
    Replies
    1. Tharurasi FernandoMarch 1, 2016 at 12:24 PM

      ටිකක් උත්සාහ කරල ලියපු කවියක්.. වෙනසක් කරන්න හිතුණා.

      Delete
  10. තිසරMarch 1, 2016 at 12:22 PM

    මේ වගේ වචන භාවිතා වෙන කවි දැන් ලියවෙන්නෙ වත් නැහැ නේද? සුභ උපන්දිනයක් තරු රසී ට...

    ReplyDelete
    Replies
    1. Tharurasi FernandoMarch 1, 2016 at 12:25 PM

      ස්තුතියි තිසර.. මුල් කාලෙ ඉඳන්ම ඔයා තරුරසී දිරිමත් කළ සොඳුරු සහෘදයෙක්..

      Delete
  11. දේශකයාMarch 1, 2016 at 3:02 PM

    තිසර කිව්වත් වගේ මේ වගේ ලයාන්විතව කවි පද අහන්නත් ආසයි දැං.

    තරුරසීට අවුරුදු හතරයි.. මල් හතයි. සුභ පැතු්ම්

    ReplyDelete
  12. බස්සි (Yash)March 1, 2016 at 10:15 PM

    හරිම මටසිලිටි වචන!

    සුබ උපන්දිනයක් තරුරසී බ්ලොගේට! :)

    ReplyDelete
  13. AnonymousMarch 2, 2016 at 10:24 AM

    එලිසමය එලිවැට මාත්‍රා පිහිටුවා සඳැස් කවි ලියැවෙන්නේ දැන් ඉතාම කලාතුරකින්. ඒකට ප්‍රධාන ම හේතුව නව පරපුර භාෂා ශික්ෂනයක් ලබා ගැනීමට උත්සාහ නොකිරීම. භාෂාවක් තමන්ගේ පාලනයේ තියෙනවා නම් කලහැකි නිර්මාණවලට හොඳ නිදසුනක් තරූගේ මේ කවිය.

    ReplyDelete
    Replies
    1. නුවර කුමාරි March 2, 2016 at 1:21 PM

      අනිවාර්යයෙන්!

      මටත් මෙහෙම ලියන්න බැරිකම ගැන මම ඉරිසියා කරනවද මන්ද

      Delete
  14. තුශානිMarch 2, 2016 at 10:42 AM

    සුබ උපන් දිනයක් තරු රසී!

    ReplyDelete
  15. නුවර කුමාරි March 2, 2016 at 1:22 PM

    සුබ උපන්දිනයක්..

    ReplyDelete
  16. ManojMarch 2, 2016 at 4:11 PM

    සුබ පැතුම් තරු අක්කේ.

    කවිය නම් හරි ලස්සනයි.ඒ තාලෙට මම ගොඩක් කැමතියි.

    ReplyDelete
  17. කුරහන් හේනේ මල් මල්ලීMay 16, 2017 at 4:02 PM

    සුභ උපන් දිනයක් තරුරසී.

    ReplyDelete

ඔබේ එක් සිතුවිල්ලක්... තරු අහසට... සඳ කිරණක්...

Subscribe to: Post Comments (Atom)