පොත්ගුල්ලන්ට ආරාධනාවක්...

ආදරණීය ආරාධනාවන් දෙකක් ඇත.

දෙකම හෙට ය. එකම විට ය. දෙතැනම එක විට පෙනී සිටින්නට මනෝකායකුත් වී නම් අගේ යැයි සිතේ. එවැන්නක් නොවන නිසා දෙතැනටම කාලය බෙදා දෙන්නට සිතා සිටිමි. මක්නිසාද යත් වැඩ දෙකම අපේ වන නිසාය.

වසර 15 ක පමණ අතිදුෂ්කර එහෙත් සුන්දර ක්‍රියාවක ප්‍රතිඵලයක් වන යොවුන් පියවර සගරාව/යොවුන් පියවර එකමුතුව මගින් පළ කර ඇති ‘‘සොඳුරු නව යෞවනය” පෝස්ටර් ඇල්බමය ජනගත කිරීම  හෙට (2013.09.04 ) සවස 3.00 ට මරදාන ඩීන්ස් පාරේ සමාජ හා සාමයික කේන්ද්‍රෙයේ දී පැවැත්වේ.

ප්‍රධාන දෙසුම් මහාචාර්ය ප්‍රණිත් අබේසුන්දර සහ කර්තෘ මහින්ද නාමල් විසිනි.

සොඳුරු සැරිසර හනමිචිය දිගේ ජපානයටත්, සොඳුරු සැරිසර සේද මාවත දිගේ චීනයටත් අප කැන්දන් ගිය ඇත්තෝ දැන් සූදානම් වන්නේ සොඳුරු සැරිසර සරවක් නදිය දිගේ අප මැලේසියාවට කැන්දන් යන්නට ය. සමන් අතාවුදහෙට්ටි නම් වන සුන්දර රස්තියාදුකාරයාගේ නවතම කෘතිය එළිදැක්වීම හෙට ( 2013.09.04 ) සවස 3.00 ට බණ්ඩාරනායක ජාත්‍යන්තර සම්මන්ත්‍රණ ශාලාවේ දී පැවැත්වේ.

රිසි සිතැති, ඉඩ ද ඇති පොත් කැමැත්තෝ සහභාගි වෙත්වා.